COMMON UNIVERSITY ENTRANCE TEST (CUET)

Mizoram State Quota Professional Course hrang hrang Join Entrance Examination (JEE) leh National Eligibility cum Entrance Test (NEET) hnuaia mi ni lo dil tumte chuan Common University Entrance Test (CUET), 2023 leh State Medical and Technical Entrance Examination (SMATEE), 2023 exam kawp tur a ni a. Sorkar laipuiin CUET mandatory ah hman tur a tih chuan CUET hnuaia seat te allotment tih nan CUET score cards hman tur a ni ang.

ACCORDING TO NEW PUBLIC NOTICE.
Submission of Online Application Form: 30 March 2023 (Up to 09:50 PM)
See here New Public Notice

Tunah hian CUET 2023, exam tur te tan Online application www.nta.ac.in, https://cuet.samarth.ac.in/ -ah hawn mek a ni e, last date: 12th March, 2023 (Up to 11:50 PM)

Hriat tur pawimawh te:

1. CUET hi Pachhunga University College-a lut tur te leh Mizoram pawn college-a admission tih tum te chuan paltlang ngei ngei a ngai.
2. Mizoram chhunga college dang te pawh hian CUET hi an hmang thut thei a. Thil dang eng eng emaw vang pawhin State pawna lehkha zir thut ngai tein a awm theih a. Chuvangin CUET (UG) hmachhawn ngei ngei tur a ni.
3. CUET exam thei tur hian https://cuet.samarth.ac.in website-ah in register a ngai a. Hmun dangah in register theihna leh tih dan a awm lo. Candidate pakhat tan vawi khat bak a apply theih loh. https://cuet.samarth.ac.in website -ah hian Information bulletin a awm a, uluk taka chhiar tur. Instruction zawm lo chu disqualify nghal an ni.
4. In register hun hian mahni phone leh email emaw nu le pa email leh phone hmang ngeia in register tur a ni a. Email phuahchawp leh luh theih tawh loh hman loh tur a ni. Detail dik taka in register tur a ni.
5. Exam nan hian language hrang hrang thlan tur a awm a, Mizo a awm ve loh avangin English thlan mai tur.
6. Exam tur subject hi hlawm thum: Language subject, Domain subject leh General Test-ah then a ni a. Language-ah hian Mizo a awm ve loh avangin English thlan tur (50 questions a awm ang). Domain Subject hi a tam berah subject chi hrang 10 a thlan theih a, zawhna (questions) 45-50 vel awm tura ngaih a ni. General Test-ah hian GK, Current Affairs, Mental Ability, Numeric Ability, Reasoning (Simple application of basic mathematical concepts Quantitative arithmetic / algebra geometry / mensuration / statistics), Logical & Analytical Reasoning te a awm a ni. Zawhna (questions) 50-60 vel a awm ang.
7. UGC approved University-a admission ti tur chuan CUET hi paltlang ngei ngei a ngai tawh a ni.
8. Kumin 2023-2024 session tan bik chuan CUET hi Computer Based TEST (CBT) a kalpui tur a ni a. March 12, zan dar 11:50 aia tlai lovah fee pek fel vek a ngai a ni. (Domain subject lak tam dan a zirin ₹ 1550 thleng fee a ni thei).
9. CUET apply tur hian Age limit a awm hran lo va, class-12 Board exam hmachhawn tur te tan pawh apply theih a ni a. Apply ngei ngei bawk tur a ni.
10. Exam dan tur leh thil tul dang te chu https://cuet.samarth.ac.in website ah hian check tur. Website danga mi chu rin loh tur. Exam tak tak hma hian exam tih chhinna (Mock Test) a awm thin a. Email, phone message check reng tur a ni a, Mock Test hi tih ve ngei tur a ni ang.

A hnuai lamah hian Director, Higher & Technical Education, Mizoram hnen atanga kan lehkha dawn bakah Information Bulletin leh tul dang link te dah tel a ni.

Principal
Govt. Mizo Higher Secondary School
Aizawl, Mizoram