Govt. Mizo Higher Secondary School organized a heartfelt farewell programme yesterday in honour of Pu Lalnithanga, Lecturer in Economics, and Pi Lalthlamuani, UDC, on the occasion of their superannuation. The programme was attended by teachers and staff members, who gathered to express their gratitude and appreciation for the dedicated services rendered by both retirees to the institution.

Pu Lalnithanga has been a pillar of strength for the school, serving with unwavering commitment, discipline, and integrity. As an Economics lecturer, he played a vital role in shaping the academic foundation of countless students over the years. His leadership qualities, punctuality, and principled approach have left a lasting impact on both colleagues and learners. While the school is pleased to see him successfully attain his well-deserved pension after years of sincere service, it is indeed difficult to imagine the institution without his steady guidance and strong presence. He has earned deep respect and admiration from teachers and students alike throughout his tenure.

Similarly, Pi Lalthlamuani, UDC, has contributed significantly to the administrative functioning of the school. Her dedication, efficiency, and supportive nature have greatly assisted in maintaining the smooth operation of the office and institutional activities.

As a tribute to Pu Lalnithanga’s remarkable service, a special memoir written by senior lecturers has been included to honour his contributions and lasting legacy. The school community expresses its sincere gratitude to both retirees and wishes them good health, happiness, and fulfillment in their retired lives.

A MEMOIR BY SIR C VANHMINGLIANA

University lamin PUC kan tih ṭhin kha enkawl an tum tak loh avang khan Mizoramah 1996 aṭang khan 10+2 chu bal kan ṭan ve ta a, chumi hma kum deuh chiahah M.A. kan lo pass ve hman a. Hna remchang kan hmuh chu kan dil ve nghal a, kan hmu ve ta mai bawk a. Chuta ka luhpui, Economics lecturer Sir Lalnithanga chu vawiinah hian superannuation pension-in a lo chhuak dawn ta a, kan thlah a ni.

Sir Ni-a leh Sir Hliapa kan nei a, an awm dun chiah hian zirlaite chuan sir nihliap an ti ṭhin a, kan hlimpui thei hle a ni.

Sir Ni-a hi mihring inthunun ṭha tak a nih vangin a chhungte damlohna vanga school a ṭhulh a nih loh chuan ama damlohna vang hian school a ṭhulh ngai mang lo va, CL pawh a la khat hle a, kum khata CL lak miah loh hi a nei nualin a rinawm. A inthunun ṭhat vang hian a hriselna pawh a ṭha a, Pathian malsawmna ropui tak dawngin a pension thleng hian sawrkar hnathawk zinga leave la tlem ber a ni hialin ka ring.

Kum 1996 kuma kan luh aṭanga tun thlenga under one roof-a ka ṭhutpui a ni a, kan inhre chiangin duhsak pawh kan induhsak em em a. Departmental Exam, UPSC, SSC, Bank exam leh keimahni eizawnna lama Board Exam leh internal exam zawng zawnga kan thawhhonaah hian vawi khat mah kan inhauh ka hre lo. Ṭha takin kan thawk ho va, hlim tlang takin sunday exam-ah te kan ti ho dial dial ṭhin a ni.

Pu Ni-a hi ṭawngkam thiam, titi thiam tak mai a ni a, ṭhut khawm tawh chuan a titi hi kan ngaithla deuh ṭhup fo va, beng a tlai thei hle. Khasi ṭawng, hindi leh English hian mi a kawm thei viau vek a, mi namai a ni lo tih a chiang a. Morning assembly ah nimina a sawi ang chiah kha vawiinah en lovin a sawi leh thei. Discipline incharge a nih chhungin zirlaite a ṭul phawt chuan a umzuiin an tana ṭha tur hrilh ning thei lo mi a ni.

A insawi ang a nih chuan meizial a heh lai chuan ni khatan zial sawm awmna bawm riat a zu a, hei hi amah kan hriat hma thil a ni a, mahse a sim leh hmak thei a ni. Chuchuan mahni invawng thei, inthunun thei a ni tih a entir.

Sahdah hi a nei reng thung a, mak deuh chu pai theihnghilh vanga mi dang ban hi a nei ngai lo a, keini erawh chuan kan ban fo.

Hetia a lo pension tur hi kan ui ngawih ngawih a, kan ngai dawn a, a hmun ruak hi a zau hle dawn a ni. Nupui fanau fel leh ṭha tak tak nen Hunthar vengah a inbengbel dawn ta a, ṭul fe-ah lo chuan school a rawn tlawh zen zen dawn tawh lo tih hi ngaihtuah ngam a har hle. Sawi tur a tam duh hle a, sawi vek sen a ni lo, hlim ni leh lungngaih ni ka chhiarpui hi lo hrisel zel se. Thawhchawlh hun nuam tak hmang turin duhsakna sang ber kan hlan e.

By
C VANHMINGLIANA
Mizo Lecturer
Govt Mizo Higher Secondary School