Information Technology Enabled Services (ITES)

Kum 20 liam awrh atang tawh khan Information Techonology hian khawvel hmasawnna lailum a lo luah tan tawh a. IT hian hian hna thar tam tak siamin service offerings leh pawnlama thawnchhuah tur dehchhuah lamah pawh hma a hruai ngat ngat mai a; a hlawkna teltu lian zingah pawh keini India ram hi kan lang chho ve ta reng mai. Chutihrualin a Mizoram ang zawnga kan chhut chuan hemi lamah hian kan la kal nasa tawk lo hle.

Hma hun eng tak nei si leh thang duang em em thei ni mah se a taka IT enabled service(ITes) din hi thil awlai tak chu a ni lova. A hnuaia kan tlar diat diat te hi han en la ITES nei tur chuan thil tul hmasa leh neih ngei ngei ngai a ni.

• High Capital Investments (Bul tanna sumlu a tam tham)
• High Volume Transactions (Sum che vel tam tham)
• Continuous Business Availability (Sumdawnna mar pat)
• Time Turnaround (Chak leh tha taka hna zawh zung zung theihna)
• High Communications cost (Inbiak pawhna man sang)
• Lack of trained and reliable resources (Innghahna tlak hmanrua leh mithiam)
• Role model/Guide or Help to start-ups. (Entawn tur tha neih/Bul tumtu/puitu tha neih)

ITeS chuan IT hmanga chinfel ngai hna leh thawhtur te a huam ber a. A lar zual te chu business process outsourcing (BPO) leh knowledge process outsourcing (KPO) te hi an ni awm e.

BPO hian a huam zau thei hle a, call centre-a customer te buaina lo chingfel sak atanga front office-a technical lam thil lo buaipui te, back office hna billing lam lo buaipui te, etc. a tam thei viau ang. Indian Airline chuan Thlawhtheihna service chu an hnehsawh viau a, chutihrualin a ticket hralh leh booking kaihnawih refund leh cancellation tih vel erawh an zei lohna tak a ni ve thung. Tichuan hetiang lam hna thawk tur hian RFP (Request for proposal) te siamin company dang dang an dawr kual a. A tha ber nia an hriat kha an thlang chhuak a. Entir nan HL Solution Company te hi an lo thlang chhuak a nih chuan HL Solution hian ticket leh booking operation-a ngai IT infrastructure tul zawng zawng te, Finance leh Accounting, Customer support, banking leh digital activities reng reng chu Indian Airline aiawh khan an khawih vek dawn a ni. Tichuan Indian Airline hian an hna an thawh thiam loh HL Solution-in a thawh sak avang hian thawh man  pawh an pe ve zel dawn a ni. Hei hi BPO kalphung chu a ni a. IT tel lohna a awm lo a ni ber.

LPS hian Local channel pekchhuah leh chanchinthar puan te lo hnehsawh viau mah se, Video editing leh Translation lam chu an tilthen lohna lam tak a nih avangin Remphamly kutah an outsource ta a, tichuan anni hian thiam takin LPS duhdanin an rawn tichhuak ve zel a ni. Chutihrualin Remphamly chu LPS ta tihna a ni chuang lo. LPS khan sum save zawk nan mahni-a ti mai lovin a thiam zawk leh tlawm zawka tithei Remphamly hnenah Video editing leh translation hna kha a pa pek tawp a ni. Hetiang hi KPO (Knowledge Process Outsourcing) tiin an sawi thung a. BPO peng pakhat tho a ni a, technology lamah thiamna ngai bik leh knowledge neih ngai bik thil a ni bawk.

ITes kan hman nasatna area te chu:

1. Telemarketing
2. Helpdesk
3. Customer Support Centres
4. Data Ware House
5. Transcription Centres
6. GIS Mapping for Transport tracking
7. Electronic Distribution.

KPO hrang hrang te hna thawh thin

• Financial consultants
• Research and development
• Business operations
• Technical analysis
• Investments
• Legal
• Medical
• Data analysis and interpretation
• Teaching/Training

A chung lama kan tarlan area hrang hranga hna thawk thiam tur chuan IT thiam hi a pawimawh ber a. IT thiam tan chuan thawh thiam loh tur hi a vang zawk mah a tih theih ang. Hei hi Central sorkar pawhin a hrechiang em em a, chuvangin High School leh Higher Secondary School-ah te IT/ITES tih hming put tirin school atanga harsatna hrang hrang vanga kan lo dropout a nih pawhin khing area hrang hranga hna kan thawh thiam nan tiin subject pakhat (vocational subject) angin a dah hial a; College lamah pawh an dah tan tawh bawk a ni.

IT/ITes chuan direct-a hna thawk thei (Chhawrtlak) nghal tura min zirtir hi a tum ber a ni a. By-heart system-a pass theih a ni lo va, theory a ni lo va, a taka thiam ngei ngei ngai leh chhawrtlaka thiam nghal tura inzirtirna a ni. Sorkar laipuiin tunlaiah BA/MA/BSc/MSc hna nei lo kan tam lutuk tihtlem a tumna hmanrua leh India ram unemployment(Hna nei lo) pung chak lutuk tihtlem a tumna hmanrua a ni bawk a ni.

List of BPO Companies in India

1. Genpact India Pvt Ltd.
2. Octopus Tech Solutions
3. WNS Global Pvt Ltd.
4. Serco Global Services
5. Infosys BPO
6. Accenture Solutions Pvt Ltd.
7. Firstsource Solutions Ltd.
8. Wipro BPO
9. TCS BPO
10. Hinduja Global Solution Ltd.
11. Aegis Limited
12. Aditya Birla Minacs
13. Hexaware
14. EXL Services
15. 3i Infotech Ltd.

List of KPO Companies in India

1. Sutherland Global Services
2. WNS
3. Boston Analytics
4. SG Analytic
5. Eclerx
6. Syntel
7. CRISIL
8. iGate
9. McKc (Mckinsey Knowledge Centre)
10. Deloitte

List of RPO Companies in India