PERMANENT EDUCATION NUMBER (PEN) HI ENGE?
PERMANENT EDUCATION NUMBER (PEN)
NEP 2020 hmalakna pawimawh tak, a tam zawkin kan hriat lar lem loh, ṭangkai leh ṭha bawk si a awm a, chu chu ‘One Nation, One Student ID‘ tih a ni a. Chu chu Automated Permanent Academic Account Registry (APAAR) an ti a, zirlai te’n unique ID an neih vek a ngai ngei ngei a, chu chu APAAR ID (National ID) or Permanent Education Number (PEN) tiin an sawi a ni.
Benefits of PEN
- A thil tum ber chu zirlai naupangte’n document an ken kual kher ngai lova zirna an chhunzawm theihna tur a ni a.
- Sikul hrang hranga zirlai pakhat Academic Progress, Scholastic and Non-Scholastic Achievement rang taka en nan.
- Kum laklawka sikul leh class thlak awlsam nân te a ni a.
- Tin, rang zawka Literacy Rate check nan te, dropout rates check nan.
- Fake document (TC/Certificate/Marksheet) tihbo nân.
Uses of PEN
- Zirlaite Academic leh Non-academic Achievement pumpui digilocker ecosystem-a vawn nan.
- Admissions tih nan
- Scholarship disbursement.
- Entrance tests.
- Issuing of Certificates, Degrees, credits and Awards, etc.
APAAR ID Ṭhatlohna
- Sikul tam zawkin data dik lakkhawm kan peih lo tlangpui a. Data phuahchawp a tam thei viau ang. Keini sikul erawh data hi dik takin kan la ṭhin a.
- PEN hi NEP2020-in a ngai pawimawh hle, tih ngei ngei tur (Mandatory) angin ziak mah se, Education lama thawk te hian kan aware lo hle a. Helama information pêkchhuakah an chak lo. Training emaw awm hmasa lova sikul te min hman luihtir hian ho lama ngaia data dik lo, phuahchawp a ti tam thei ang.
- Chawp leh chilh takin Sikul lam te data min dil an ching leh tihtur min pe ṭawk ṭawk zel hi a mawi lo thei hle.
- Data Management leh Entry vel hi Samagra lam mawhphurhna ni mah se, data dik leh fel neih kan duh chuan sikul lamin kan buaipui a ṭulna chin a awm ta. Zirtirtute’n extra work kan neih belh leh dawn tihna.
PEN nei lo tan admission tih pawh a har chho mai thei a, phaiah chuan a theih loh ṭan der mai a. PEN hi TC, Marksheet, School Admission Record-ah te a awm vek a ṭul tawh dawn a. Zirlaite’n mahni PEN theuh hriat a tul hle bawk ang.
APAAR ID generate tur hian nu leh pa phalna a ngai thlap tiin an ziak a. Aadhaar nei lo tan pawh APAAR ID hi dil (apply) theih a ni a. Academic Bank of Credit (ABC) website abc.gov.in aṭangin emaw Digilocker aṭangin APAAR ID hi siam theih a ni. Ministry of Education-in October 2023-a tarlan dan chuan APAAR ID hi India rama zirlai te’n an neih vek a ngai (mandatory) a ni.
Keini Govt Mizo Higher Secondary School chuan kan zirlaite chu PEN kan pe vek a. 2023-2024 atangin Marksheet, Transfer Certificate/Testimonial Certificate, Bonafide, Student ID Card-ah PEN hi kan dah vek bawk a ni. Kan zirlai zingah PEN nei lo, an sikul luh hmasakna te fimhkur loh vangin emaw data entry tih that loh vangin emaw an awm ve thei a. Chutiang te chu a hranpain UDISE lama kan hotute berawn zelin an neih dan tur kan ngaihtuahsak a. Kan zirlai, mahni PEN hre lo te chuan mahni Hming, Class, Roll No leh Academic Session te pein sikulah zawhfiah theih a ni bawk.
APAAR ID hi hman ṭan turin February 14, 2024 khan Department of School Education-in a tlangzarh a, UGC hnuaia College leh Universities-a lut tur chuan PEN (APAAR) tel lovin a theih tawh dawn loh tih an rawn tichiang a. College/Univeristy luh tum lo tan erawh tun dinhmunah chuan neih ngei ngei ngai (mandatory) a ni hran lo. Keini Govt Mizo HSS-a luh tum te tan erawh neih ngei ngei a ṭul ve thung a, nei thei ngang lo te erawh a chunga kan tarlang ang khian kalpui a ni ang. College kal zawm tum lo tan ron in admit a ngai kher lo bawk a, College kal tum sa ang vekin kan school-a rawn in admit te chu kan ngai bawk a ni.
