Poetry Writing Competition Annual Sports 2022

Vanlalhruaitluanga Sailo, XII-C Roll No-77

COVID-19

(School Annuals Sports 2022 Poetry inziahsiaka pakhatna Vanlalhruaitluanga Sailo ziak)

1. A tu’n kan hriat ngai loh
Chhim thli ianga lo lengin
Vanhnuai hringmi leng zawngte
Thinlai min thawng ngei e.

A rawng lua e hringmi tan zawng
Lungduh samang then nan maw
Thihna thla rawn zar e
Tu dan rual ni si lovin

2. Kan kahwvel sakhmel pawh
Uaiin a chuai zo ta
Zaitin rem thiam zawng te pawh
Rial ang an dai zo ta

3. Kian zai rel tak ang maw
Hringmi lengte lung lawm’an
Khawvel sakhmel chul tawh hnu
Par ang lo vul leh nan

(School Annuals Sports 2022 Poetry inziahsiaka pahnihna Malsawmtluangi XII-C Roll No 32 ziak)

Aw hri nunrawng, i hrang lua e
Hrai chawi nau fa, luaithli nul tirin
I hrang lua e, hringmi dawn lo rengin

Zirna run sang kaite’n chawlh lai an rel
Thenrual lungduh hlimtea lenlai chawlh tirin
Lengtin te’n an run belin, nang hlauvin an tawm

I sakhming’an COVID-19
Nang vanga rual duh pawmlai fam te tan chuan in e
I sakhming a rik changin luaithli nul an bang lo

Zah ngai la, liam tawh rawh
Hlimte’n zirna run sang belin
Thenrual lungduh te nen hlim taka eng dang dawn lo va
Khuavel hman leh zirna run sang belh hun
Nghakhlel takin kan thlir

(School Annuals Sports 2022 Poetry inziahsiaka pahnihna A Lalbiaktluangi XII-C Roll No 1 ziak)

1. Zoram, ka ram nuam leh ralmuang,
Ka thlamuanna, remna lanna Zoram;
Aw COVID-19 vangin kan bo zo ta si maw,
Chun leh zua te nen min then hrangin,
Run khatah pawh min lawi tir thei lo tu i ni si.

Aw Zoram runtu COVID-19,
Zalen taka laitual min lentir thei lo tu;
Eng chen nge maw i la awh dawn le,
Hmangaih te puan ang kan chan na chhan,
I sakhming hian lunglai a ti chhia.

2. Zoram mipui te’n luaithli kan va nul nasa em!
He COVID-19 vang hian, he hun duhawm loh hi;
Tawngtaiin kan dil thin.
Ral tawh mai se he mangchhia hi tiauvin,
Engtik hunah tak zalen takin laitual leng leh thei i maw.

3. Chhungkim dar ang kan lenlai ni te,
A ngaihawmin a thlen leh hun kan nghakhlel;
Hlim taka kan nuih ho dar dar na kan run,
Engtikah tak luah lum leh thei ang maw,
Nghakhlel takin kan thlir thin i bo hun hi COVID.

KAN HNEH DAWN
(School Annuals Sports 2022 Poetry inziahsiaka pathumna Judithi Lalhruaizeli XII-D Roll No 11 ziak)

1. Hun te liam zelin
Vanglai hun kan hmang tan a.
Hlimna leh lungngaihna te sutlang zelin
Sawm loh hripui chuan min rawn nuai a
Zirna run sang kai a tul si
Chun leh zuate’n ngaihngam si lovin
An hmangaih hrai chawi te
Zirna runa’n an kaitir a.
Hmangaihtu ngaihngam lo hian
Rilru reng a hahdam thei dawn lo

2. An bang bik lo
Zirtirtu thlengin ngaih reng a ngam lo
A do let nan tiin
Hmai tuam a tul a, insik chu sawi loh
Inbiak pawh a rem teh viau lo
Sikul lah tun hma ang lo takin
Naupang thawm pawh a reh tawh hle si
Hlim taka inkawm khawm ai chuan
Kan him dam nan tiin
‘I dam maw’ kan ti thei chang chauh si a/

3. Vullai hun chu he hripui
COVID-19 hian min ruk sak a
In venna tinrengin inven a tul a
Hmangaihte thenhrang tu
Chanhaitu ti riangvai tu
Khuavelah hian hrang mah la
I hneh thei hian ka ring lo
Zirlaite thinlung huaisenna hi
Kan hneh ngei ang COVID-19